Рубрика: Նախագիծ

Հունիս ամսվա գործունեություններ, նախագծեր, սեմինարներ

Posted on 

Նախակրթարանի օրացույց

Հունիս

Լողափի կազմակերպման և շահագործման կարգ

Ջրային, լողափնա խաղեր

Սաների ընդունելությունը կազմակերպվում է 08.45-09.30։ Դաստիարակներից մեկը 8:45 լինում է խմբասենյակում, օդափոխում խմբասենյակը:  Բուժքույրը ջերմաչափում և տվյալները լրացնում ջերմաչափման էլ.մատյանում:   Երեխայի բացակայության կամ ուշացման, ինչպես նաև դրանց պատճառների մասին ծնողը դաստիարակներին տեղյակ է պահում մինչև 09։30: Հենց տնից-նախակրթարան ճանապարհից էլ սկսում է նրանց ուսումնական գործունեությունը:  Սաներն ինքնուրույն են զգեստափոխվում: Դասավորում են աթոռները, մաքրում փոշիները, խնամում են բույսերը, ջրում և փխրեցնում են հողը: Բակում հավաքում են թափթփված աղբը։

  • 9:30-10:00-Ռոդարիական ուրախ մարմնամարզությանը միանում են կոմիտասյան երգն ու պարը: Դաստիարակը սանի հետ պետք է մագլցի, վազի, թռչի բարձրությունից, չոչ անի, գլուխկոնծի տա և այլն՝ խենթություներով լինելով անմիջական մասնակիցը կրթության, լինելով սաներից մեկը, ոգևորելով, երևակայելով…:
    Սաները հաճախ իրենք են շարժումները որոշում: Երբեմն մարմնամարզության ընթացքում կենդանիներ են դառնում, շարժումային տարբեր փոքրիկ ներկայացումներ են ստացվում, երբեմն ամբողջ վարժանքը պարի է վերածվում: Խաղաստեղծ միջավայր կարող է լինել նաև մեր մարմինը: Երբ նրան ավելացնենք «լույս + ստվեր= ստվերախաղբաղադրատոմսը», կստացվի իմացումի հերթական, իսկական հրճվանք: Ինչքան ուզում ես թափահարի՛ր ոտքերդ, ձեռքերդ, մարմինդ, մազերդ, ստվերային ներկայացումներ խաղա՛, իրական ազատությունը զգա՛…:
  • 10:00 — 10:30Նախաճաշ
  • 11:00-12:00— Ամառային պարտեզ` ամենօրյա զբոսանք մաքուր օդում 30 րոպե, օրվա գործունեություն, ամառային լողափ
  • 12:30Ճաշ
  • 13:30 Քուն (Աստղափայլ օրորներ):
  • 15:30- Հետճաշիկ:
  • 16:00- Զբոսանք մաքուր օդում, ազատ գործունեություն, տուն ճանապարհում

Հունիս ամսվա նախագծեր

Նախակրթարանի օրացույց. հունիս

  • Հունիսի 1- օգոստոսի 31` ամառային լողափնյա պարտեզներ
  • Հունիսի 1` Երեխաների իրավունքների պաշտպանության օր. հակաբացիլ- ընտանեկան ֆլեշմոբ «Մեր տոնը բարձունքին». բարձունքների հաղթահարման ընտանեկան նախագծեր:
  • Մայիսի 23-հունիսի 13` «Հակաբացիլ Կոմիտաս»
  • Հունիսի 1- 10` «Բա՜րև, ջուր». լողուսուցման ստուգատես:

Գործունեություններն ըստ շաբաթների`

Հունիսի 1-9

Հունիսի 12-16

  • երաժշտական պարապմունք շաբաթը 3 անգամ
  • Տեխնոլոգիական աշխատանք. կպատրաստենք ինքնաշեն խաղ
  • Մարզական խաղեր
  • ջրային խաղ՝ «Հմուտ մատիկներ», նպատակը՝ մկանային լարվածության կարգավորում, թուլացում։ Սաները տարբեր սպունգեր թրջում են ջրում և մի ամանից մյուսի մեջ քամում։
  • կպատրաստենք նավակներ տարբեր նյութերից՝ թուղթ, փայտ և սպունգ և կհետևենք դրանց ընթացքին լողավազանում կամ ջրով լի տարայում

Հունիսի 19-23

  • երաժշտական պարապմունք շաբաթը 3 անգամ
  • կպատրաստենք գունավոր կավիճներ
  • լողավազանային խազ՝ «Ձկներ-ձկնորսներ»
  • ջրային խաղ՝«Մի դույլ ես, մի դույլ դու»

Հունիսի 26-30

  • երաժշտական պարապմունք շաբաթը 3 անգամ
  • խոհանոցային գործունեութուն
  • խաղ-մրցույթ՝ սպունգերի օգնությամբ մի ամանից մյուսն ենք տեղափոխում ջուրը
Рубрика: Նախագիծ

Անտիվիրուս Կոմիտաս+ Հունիսի 1

Posted on 

Նախագիծը` Անտիվիրուս Կոմիտաս + Հունիսի 1
Օրը՝ 01.06.2023, ժամը 11.00
Վայրը ՝ Քոլեջ֊պարտեզի ներքին բակ
Մասնակիցները՝ 2֊4 տարեկաններ, 5 տարեկաններ, դաստիարակներ, երգի դաստիարակ։

Նախագծի նպատակները՝

  • Սաներին ծանոթացնել Կոմիտասի երգերին, մշակումներին, բանաստեղծություններին:
  • Բանավոր խոսքի զարգացում:
  • Սստեղծագործական երևակայության զարգացում։
  • Երաժշտական հմտությունների ու կարողությունների զարգացում։
  • Պարերգերի խաղ-ուսուցում
  • Խոհանոցային հմտությունների զարգացում։
  • Ուսումնական նյութերի ստեղծում։

Խնդիրները՝

  •  սաներին ներկայացնել Կոմիտասի թողած երաժշտական ժառանգությունը, որը կնպաստի նրանց գեղագիտական ճաշակի ձևավորմանը,
  • երաժշտության միջոցով հաղորդակից դարձնել ազգի մշակույթին, նպաստել դրա յուրացմանը,
  • երաժշտական մտածողության ձևավորում և զարգացում,
  • ստեղծագործական երևակայության զարգացում,
  • մարզական խաղերի միջոցով՝ մարզական կարողությունների ցուցադրություն,

Կոմիտասյան երգերի ցանկը՝

  1. Արևների շարք
  2. Հո՜յ, Նազան
  3. Գնացեք, տեսեք
  4. Հինգ էծ ունեմ
  5. Կաքավիկ
  6. Կոտ ու կես
  7. Հե՜յ, իմ Նազան
  8. Ջաղացի երգ

Կոմիտասյան-աագային պարերգերի ցանկը՝

  • Փափուռի
  • Թամզարա
  • Կոմիտասի շորոր
  • Կաքավիկ (Գյովնդ)

Ընթացքը

Տոն֊օրը սկսում ենք Քոլեջի այգում կոմիտասյան երգերով, պարերգերով, ազգային խաղերով։

Օրվա երկրորդ հատվածը խոհանոցային֊ ստեղծագործական է։ Քոլեջի այգու ողջ տարածքը վեր է ածվում մեծ խոհանոցի, այգու մի հատվածում սկսում ենք վաֆիլներ պատրաստել, երեխաները ստեղծագործելով

ձևավորում են վաֆլիները` քաղցր քսուկներով, գունավոր կոնֆետներով, տարբեր մրգերով։ Մյուս հատվածում բնական հյութերի արտադրություն է սկսվում. անխափան աշխատում են հարիչները և երեխաների համար պատրաստում են ելակի ու բանակի համեղ հյութեր։ Դե, էլ ինչ տոն առանց պաղպաղակի ու գույնզգույն փուչիկների, որոնք բաց ենք թողնում անամպ երկինք, որպես խաղաղ ու գունավոր մանկության խորհրդանիշ` ամփոփելով մեր ուրախ պարտեզիկների տոն֊օրվա առավոտը։

Իսկ վերջում ուրախ ու հավես ամառային լողափ։

Արդյունքը` օրվա տեսանկարահանված հատվածի լուսաբանում բլոգում, կայքում, սոցցանցերում։

Рубрика: Մայիսյան հավաք

Համեղ թխվածքաբլիթներ

Մայիսյան 18-րդ հավաքի շրջանակներում մեզ հյուրընկալվեց մեր գեղեցկուհի Նարեի մայրիկը, ով մեզ հետ կիսվեց իր ընտանեկան անչափ համեղ բաղադրատոմսերից մեկով։ Պատրաստեցինք անմահական համով և բույրով թխվածքաբլիթներ։ Բոլորս գոհ էինք և երջանիկ։

Ֆոտոպատումը՝ Էմմա Տերտռրյանի ֆեսբուքյան էջից
Рубрика: Խառը

Մայիս ամսվա հաշվետվությունների փաթեթ

Հյուսիսային դպրոց-պարտեզ՝

Սոնա Կարապետյան և Լուսինե Հովհաննիսյան

Արմինե Եղիազարյան և Լիլիթ Ղազարյան

Հարավային դպրոց-պարտեզ՝

Ռուզան Ասատրյան և Լիլիթ Հովհաննիսյան

Լիլիթ Առաքելյան և Սիրանուշ Իսկանդարյան

Արևելյան դպրոց-պարտեզ՝

Ինգա Անտոնյան և Աննա Զաքարյան

Տաթև Դաղբաշյան և Աննա Հայրոյան

Արևմտյան դպրոց-պարտեզ՝

Արև Ուզունյան և Մարիամ Պետրոսյան

Մարիանա Դարբինյան և Ռուզաննա Գրիգորյան

Աղավնի Վանյան և Աստղիկ Գրիգորյան

Քոլեջ՝

Էմմա Տերտերյան և Սոնա Ավետիսյան

Անի Մարտիրոսյան և Գայանե Արզումանյան

Անուշ Բոյնարգյան և Գայանե Ավետիսյան

Սեդա Գևորգյան և Անահիտ Մարգարյան

Рубрика: Խառը

Հաշվետվություն մայիս ամսվա

Ամփոփում ենք գարնան վերջին ամիսը։ Այս ամսվա ընթացքում իրականացրեցինք մայիսյան 18-րդ հավաքի համար նախատեսված մեր նախագծերը՝

Հեքիաթասաց մեր մայրիկը

Ողջ քոլեջով նշեցինք Համբարձման տոնը, երգեցինք, պարեցինք, գովեցինք։ Ծաղիկներ էինք հավաքել դրանցից գեղեցիկ ծաղկեպսակներ պատրաստեցինք։

Համբարձման երգեր

Ջա՜ն Ծաղիկ

Ծաղկահավաք

Ծաղկաթերապիա

Համբարձման չորեքշաբթի

Նկարում ենք

Շա՜տ համով կաթնապուր

Դաստիարակի օրագիր՝

Սրտիկ Նանե

Հավերժ ընկերներ

Այլ գործուներություններ՝

Միջավայրի խնամք

Գտի՛ր ստվերը

Առավոտյան ծես

Օղակախաղ

Աղվեսն ու ագռավը

Կրկնի՛ր թե կարող ես

Рубрика: Խառը

Շա՜տ համով կաթնապուր

Զատկից 40օր անց նշվում է Համբարձման տոնը, որը կոչվում է նաև Կաթնապրի տոն։ Այդ օրը եփում են կաթնապուր, որը ուղղված է կաթի առատությունն ապահովելուն։ Կաթնապուրից մի քանի շերեփ շաղ էին տալիս արտերի շուրջ՝ մորեխից ու կարկուտից, ապահովելու համար։

Քոլեջիկներ մեծ սիրով և մեծ ախորժակով են համտեսում կաթնապուրը։

Рубрика: Խառը

Կրկնի՛ր թե կաևող ես

Մինչ աղջիկները գնացել էին յոթ աղբյուրից ջուր հավաքելու՝ մենք ինչ խաղացինք հավես, հետաքրքիր խաղեր։ Յուրաքանչյուրս մեր հերիթին մեր ուզած շարժումնռրն էինք անում, իսկ մնացածը պետք է կարողանային կրկնել։

Рубрика: Խառը

Հավերժ ընկերներ

-Մարի, ես գիտեմ, դու քո մազերին յուղեր ես քսում, դրա համար էլ շատ ուղիղ է,- ասաց խուճուճ Մերին։

Մերի և Մարին միշտ միասին են, անչափ հետաքրքիր ընկերություն է նրանց ընկերությունը։ Կռվում են, նեղանում, բայց առանց միմյանց էլ կյանք չունեն։

Рубрика: Խառը

Օղակախաղ

Օղակներով, պարաններով խաղը քոլեջիկների ամենասիրելիներից է։ Մարզական խաղերի շարքը համալրվեց ևս մեկ հավես, հետաքրքիր ու ակտիվ խաղով։

Рубрика: Խառը

Աղվեսն ու ագռավը

Մենք թատերական ներկայացումներ շատ հաճախ ենք տալիս, ցանկացած վայր մեզ համար կարող է դառնալ ներկայացման համար հարմար միջավայր։ Այս անգամ «Աղվեսն ու ագռավ»֊ն ենք բեմադրել հանպատրաստից։